Monday, August 29, 2011

***မိန်းမသား ချင်းမို့ စာနာပါ***


တစ်လောက မလေးနဲ့ ထိုင်းနယ်စပ် HatYai က တရားမ၀င်တဲ့ Massage ခန်းမှာ မိန်းကလေး အယောက် ၇၀ လောက်ဖမ်းမိပါတယ်။
အဲ့ဒီထဲမှာ မြန်မာမလေး နှစ်ယောက်ပါတယ်။ သူတို့ အားလုံးဟာ အဲ့ဒီနေရာမှာ ရောင်းစားခံရတာတဲ့။ အပြင်လဲထွက်ခွင့်မရဘူး။
ညှင်းပန်းနှိပ်စက်မှုလဲ ခံရတယ်တဲ့။ အခုလို ရဲက ဖမ်းလိုက်တော့ ၇ဲတွေကို ကျေးဇူးအရမ်းတင်ပါတယ်တဲ့။သူတို့ လဲ အဲ့ဒီငရဲခန်းက
လွတ်ချင်နေတာကြာပြီတဲ့။မြန်မာအမျိုးသမီးတွေ နိုင်ငံခြားမှာ ရောင်းစားခံရတာ ။ဘ၀ပျက်ရတာဟာ
နိုင်ငံခြားသားတွေက လာပြီးဝယ်တာမဟုတ်ဘူးနော်။ လူစိတ်မရှိတဲ့ ကိုယ့်မြန်မာလူမျိုးတွေက ပဲ ရောင်းစားလိုက်တာပါ။
အသားထဲက လောက်ထွက်တယ်ဆိုပါတော့။
ဘယ်သူကမှ လူတွေမရိုသေတဲ့ အလုပ်၊မိဘနဲ့ ဆွေမျိုးမောင်နှမတွေ မျက်နှာငယ်မယ့်အလုပ် ကို လိုလိုလားလားနဲ့ လုပ်ချင်ကြမှာမဟုတ်ပါဘူး။ ကံမကောင်း အကြောင်းမလှလို့ သာ မတတ်သာတဲ့ အခြေနေအကြောင်းကြောင့်သာ လုပ်နေရတဲ့သူတွေများပါတယ်။
မိန်းမသားချင်း ကိုယ်ချင်းစာကြည့်ပါဦး မချစ်မနှစ်သက်တဲ့သူကို ကိုယ့်ဘ၀ စတေးဖို့ ဆိုတာ တော်တော် မသတီစရာ
စိတ်ဆင်းရဲစရာ အလုပ်ကြီးပါ။

မဟာချိုင်က ကောင်မလေးတစ်ယောက် ကောင်လေးတစ်ယောက်နဲ့ ဖုန်းထဲမှာ ချစ်သူဖြစ်သွားပါတယ်။
ဓါတ်ပုံတွေအပြန်အလှန်ပို့ ရင်း
ကောင်လေးက တစ်ကယ်မေတ္တာရှိလို့ အတည်ယူမယ်။သူရှိတဲ့ ရာဘာခြံ ကို ပွဲစား အဆက်အသွယ်နဲ့ လာခဲ့ပါဆိုတော့
ကောင်မလေးကလဲ လူပို့ တဲ့ ပွဲစားအဆက်အသွယ်နဲ့ ကောင်လေးရှိရာ စူရတ်ဌာနီ ကို သွားဖို့ ပွဲစားအိမ်သွားတာ
မြန်မာပွဲစားက ဒီည ဒီမှာပဲ ညအိပ် နောက်နေ့ ပို့ ပေးမယ်ဆိုပြီး သူ့ အိမ်မှာ အိပ်ခိုင်းပါတယ်။
အဲ့ဒီညမှာပဲ ပွဲစားက ကောင်မလေး ကို ဖျက်ဆီးလိုက်ပါတယ်။ ကောင်မလေးက ချမ်းချမ်းသူငယ်ချင်း အမျိုးသားရဲ့ ရွာကဆိုတော့ သူငယ်ချင်းဆီ ငိုပြီး ဖုန်းဆက်တယ်။သူ့ ကို အမြန်လာခေါ်ပါ။ အဲ့ဒီပွဲစားနဲ့ မလိုက်ရဲတော့ဘူး သူ့ ကိုမကောင်းတဲ့နေရာ ရောင်းစားလိုက်မှာကြောက်တယ်လို့ ပြောတော့ ချမ်းချမ်းသူငယ်ချင်းရဲ့ အမျိုးသားကလည်း အဲ့ဒီပွဲစားအိမ်က နေ ကောင်မလေးကို သွားပြန်ခေါ်ခဲ့တယ်။ ပြီးတော့ ကောင်မလေးရဲ့ ချစ်သူကို လည်း အဖြစ်အပျက်အမှန်အတိုင်း ပြောပြလိုက်တယ် ။ကောင်မလေးကလဲ ကောင်လေးဆီမသွားရဲတော့ဘူး။ ဒါပေမယ့် ကောင်လေးက နားလည်စွာနဲ့ ကောင်မလေး ကိုတစ်ကယ်ချစ်တာပါတဲ့။အပျိုပဲဖြစ်ဖြစ် အအိုပဲဖြစ်ဖြစ် အရေးမကြီးပါဘူးတဲ့။ သူ့ ကိုတစ်ကယ်ချစ်တာမှန်ရင် သူ့ ဆီသာလာခဲ့ပါ။ လက်ထပ်ယူပါ့မယ်လို့ ပြောတော့ ချမ်းချမ်း သူငယ်ချင်းရဲ့ အမျိုးသားကိုယ်တိုင်ကောင်လေးရှိတဲ့နေရာကို လိုက်ပို့ ပေးလိုက်တယ်။
ကောင်လေးရဲ့ သဘောထားကြီးမှုကတော့ တော်တော်လေး ရှားပါတယ်။

ချမ်းချမ်း ထိုင်းနိုင်ငံကို မရောက်လာခင် တစ်ချို့ သူငယ်ချင်းတွေက ဘာပြောလဲဆိုတော့ နင်သွားရင် သေချာပေါက် ရှမ်း(ထိုင်း)မယားငယ် ဖြစ်ပြီတဲ့.ဘာဖြစ်လို့ လဲဆိုတော့ ရှမ်း(ထိုင်း) ယောင်္ကျားလေးတွေဟာ မယားများတယ်။ သူတို့ အလုပ်သမားတွေကို စော်ကားဖျက်ဆီးပြီး မယူတာများတယ်တဲ့။ ချမ်းချမ်းလဲမလာခင်ကတည်းက ဖေဖေ့ကို မေးတာပေါ့။ သူတို့ ပြောတာ တစ်ကယ်လားဆိုတော့ ဖေဖေက
“လူကောင်း လူဆိုးဆိုတာ လူမျိုးနဲ့ ဘာသာနဲ့ မဆိုင်ဘူးတဲ့။ လူသားချင်းကိုယ်ချင်းစာစိတ် စာနာစိတ်နဲ့ ပဲဆိုင်တယ်တဲ့။ ကိုယ်နဲ့ လူမျိုးမတူ ဘာသာမတူပေမယ့် လူသားချင်းကိုယ်ချင်းစာစိတ်ရှိတဲ့သူတွေရှိသလို လူမျိုးချင်းတူ ဘာသာချင်းတူပြီး ယုတ်မာကြတဲ့သူတွေအများကြီးပါပဲတဲ့။
သမီးသာ ကိုယ့်ကိုယ် ကိုယ်ထိန်းနိုင်ရင် စိတ်ကောင်းထားပြီး ရတနာသုံးပါးကိုသာ ရိုသေရင် ဘယ်နေရာသွား ကောင်းတဲ့သူနဲ့ တွေ့ မှာပဲတဲ့။ အဓိက ကိုယ်တိုင်က သတိနဲ့ အနေအထိုင်တတ်ဖို့ ပဲ အရေးကြီးပါတယ်တဲ့။

ခန္ဓာ ကိုယ်နဲ့ ရင်းပြီး ၀မ်းစာရှာနေရတဲ့ မိန်းမတစ်ယောက်ကို မိန်းမပျက်လို့ လူတွေကသတ်မှတ်ကြတယ်နော်။ သူတို့ တွေကိုလည်း တော်တန်ရုံလူက လူရာမသွင်းတော့ဘူး။ လူ့ ပတ်ဝန်းကျင်အသိုင်းအ၀ိုင်း နဲ့ မတန်တဲ့သူအဖြစ် အထင်သေးရွံရှာကြတာဘာ့ကြောင့်လည်း။ ပြည့်တန်ဆာဆိုတာ ဘုရားရှင်လက်ထပ်ကတည်း ရှိခဲ့ပါတယ်။
ပြည်ကြီးရဲ့ ကျက်သရေ အဆင်တန်ဆာ အဖြစ် မင်းတွေကိုယ်တိုင်က ချီးမြှောက်ထားခဲ့ပါတယ်။ သီရိမာ ဆိုတဲ့ ပြည့်တန်ဆာ ဆိုရင်
သူနဲ့ ပျော်ပါးဖို့ တစ်ညကို အသပြာ တစ်ထောင် ပေးရပါတယ်။ဒါတောင် တော်တန်ရုံ ချမ်းသာတဲ့ သူတွေအနားမကပ်နိုင်ဘူးနော်။
မင်းစိုးရာဇာတွေ မူးကြီးမတ်ကြီး သေနာပတိတွေ တစ်ကယ့်သူဌေးသူကြွယ်တွေ တောင် ကြိုတင်စာရင်းပေးထားရတာတဲ့။
နောက်ဆုံးမှာ တော့ လူတွေရဲ့ အထင်သေးကဲ့ရဲ့ ခံရတဲ့ ပြည့်တန်ဆာ သီရိမာ တောင် ဘုရားရှင်ရဲ့ တရားတော်ကြောင့်
အရိယာ သူတော်စင်တွေအဖြစ် ရောက်ခဲ့ကြပါသေးတယ်။
ပြည့်တန်ဆာမိန်းမတွေက ရွံစရာ အထင်သေးစရာ လူ့ ပတ်ဝန်းကျင် အသိုင်းအ၀ိုင်းက ပစ်ပယ်စရာ ဆိုရင် ငွေအကုန်ကျခံပြီး
ပျော်ပါးတဲ့ ဂုဏ်သရေရှိ အရာရှိတွေ သူဌေးကြီးတွေ ကရော ရွံစရာ၊ အထင်သေးစရာ မကောင်းဘူးလား။

ချမ်းချမ်း သူငယ်ချင်းမလေးတစ်ယောက်ပြောဘူးတယ်။သူ့ ချစ်သူ ကောင်လေးက ဘာပြောလဲဆိုတော့ ကိုယ်တို့ ယောက်ျားလေးတော်တော်များများဟာ အရွယ်ရောက်လာရင် အရက်၊ဖဲ၊မိန်းမ အကုန်
စမ်းသပ်ဖူးတယ်တဲ့။ ၀ါသနာ ပါလို့ တော့မဟုတ်ဘူး။ သိသင့်သိထိုက်တာ ကို သိအောင်စမ်းသပ် ကြတဲ့သဘောပါတဲ့။ တစ်ချို့ ကျတော့လည်း တစ်ခါစမ်းသပ်ဖူးတယ်။ မကောင်းတဲ့ အလုပ်မို့ လို့ နောင်မလုပ်တော့ပဲ ကင်းအောင်နေလိုက်တယ်။တစ်ချို့ ကျတော့လည်းမကောင်းတာသိသိကြီးနဲ့ ကို မရှောင်နိုင်ဘဲနဲ့  ဆက်လုပ်တော့ ငယ်ငယ်ရွယ်ရွယ်နဲ့ ၊အရက်သမား၊ ဆေးသမား၊ဖဲသမား၊ နှာဘူး၊ဘွဲ့ တွေ နဲ့ အရပ်ထဲမှာ နာမည်ကြီးသွားတာတဲ့။ပြည့်တန်ဆာတွေကို အထင်အမြင်သေးပြီး ရွံစရာ အဖြစ် မတူသလို မတန်လို ထင်တဲ့ သူတွေ ကိုယ့်အိမ်က အဖေတွေ အစ်ကိုတွေမောင်တွေ နဲ့ ချစ်သူ ခင်ပွန်း ကိုယ်တိုင်ကရော အဲ့ဒီမိန်းမတွေနဲ့ ကင်းခဲ့ဖူးလားလို့ သေချာမေးကြည့်ပါဦး။

ဆရာနန္ဒာသိန်းဇံ ရဲ့ " မနက်ဖြန်များကို ဖြတ်သန်းနေသောစိတ်ကူးများ " စာအုပ်ထဲက စိတ်ဝင်စားစရာ အကြောင်းအရာလေးတစ်ခုကို ပြောပြပါ့မယ်။
တစ်ခါတုန်းက ဘာသာရေးပုဂ္ဂိုလ်တွေအပါအ၀င် လူတစ်စုဟာ ဂျီးဇက် (Jesus Christ) ဆီ
ကို ပြည့်တန်ဆာမတစ်ဦးကို ခေါ်လာကြတယ်။ အဲ့ဒီအမျိုးသမီးဟာ မကောင်းတဲ့အကျင့်ကို ပြုတဲ့အတွက်
အပြစ်ရှိတယ်ဆိုပြီး ဒီလူတွေကခေါ်လာကြတာပါ။ ဂျီးဇက်ဆီရောက်တဲ့အခါကျတော့ အဲဒီဘာသာရေးပုဂ္ဂိုလ်
တွေက " ပြည့်တန်ဆာမကို ကျောက်ခဲနဲ့ ပစ်ပေါက်အပြစ်ပေးရမယ်လို့ မောရှေ (MOSES) က အမိန့်
ချခဲ့ကြောင်း၊ ဒီကိစ္စမှာ သင်ကော ဘယ်လိုအမိန့်ချမလဲ " လို့ ဂျီးဇက်ကို ၀ိုင်းမေးကြပါတယ်။
ဂျီးဇက်ဟာ သူတို့ကို မော့မကြည့်ဘဲ သူ့လက်ချောင်းနဲ့ မြေကြီးပေါ်မှာ စာရေးနေပါတယ်
တဲ့။ ဂျီးဇက်ဆီက အဖြေစကားမရမချင်း ဒီလူတွေက မေးနေကြပါတယ်။

ဒီတော့ ဂျီးဇက်က သူတို့ကို မော့ကြည့်ပြီးတော့ " သင်တို့အထဲက ကိုယ့်ကိုယ်ကို အပြစ်
ကင်းတယ်ဆိုတဲ့သူဟာ ရှေးဦးစွာပဲ ဒီအမျိုးသမီးကို ခဲနဲ့ပေါက် " လို့ ပြောလိုက်ပါတယ်။
ဂျီးဇက် စကားကြားလိုက်တော့ ပြည့်တန်ဆာမကို ဘယ်သူမှ ခဲနဲ့မပေါက်ဖြစ်တော့ဘဲ တစ် ယောက်နောက်တစ်ယောက်လိုက်ပြီး ထွက်သွားကြလိုက်တာ တစ်ယောက်မှ မကျန်ရစ်တော့ပါဘူးတဲ့ သူတို့အားလုံးပြန်သွားမှ ဂျီးဇက်
က ပြည့်တန်ဆာမကို နောက်ထပ်အပြစ်တွေ၊ မကောင်းမှုတွေ မလုပ်နဲ့လို့ ဆုံးမပြီး သွားလိုရာသွားဖို့ ခွင့်ပြုလိုက်ပါ။

သူတစ်ပါးကို လက်ညှိးတစ်ချောင်းထိုးရင် ကိုယ့် လက်ညှိးက ကိုယ့်ကို လေးချောင်းတောင်ပြန်ထိုးတယ်နော်။

ချမ်းချမ်းသူငယ်ချင်းမလေးတစ်ယောက် သူ့ အမေနဲ့ မီးဖိုချောင်မှာ ၀ိုင်းကူရင်း မေးခွန်းတစ်ခုမေးပါတယ်.ဘာမေးခွန်းလဲဆိုတော့
“အမေ.ဘာဖြစ်လို့ ခန္ဓာ ကိုယ်နဲ့ ရင်းပြီး စီးပွါးရှာတဲ့ မိန်းမတွေကို ..ါ လို့ ခေါ်လဲ ”ဆိုတော့
သူ့ အမေက“ ..ါ ဆိုတာ တွေ့ ရာအကုန်ထည့်လို့ ရတယ်မဟုတ်လားတဲ့ ..အဲ့ဒီလိုပဲ ကြုံရာ ယောင်္ကျားလေးတိုင်း ကိုလက်ခံကြည်ဖြူတဲ့ မိန်းမတွေကိုလဲ ..ါနဲ့ နှိုင်းပြီး ခေါ်တာ” လို့ ဆိုတော့ သူငယ်ချင်းက ဥပဒေသမားပီပီ လျှာကြောရှည်ပြီး
“ဒါဆိုရင် အမေက အဖေ့တစ်ယောက်ကိုပဲ လက်ခံကြည်ဖြူတော့ အမေတို့ လိုအိမ်ထောင်သည်တွေကို အိမ်တွင်း ..ါ လို့ ခေါ်ရမှာပေါ့နော်”လို့ ပြောလိုက်ရော တစ်ခါတည်း ခေါက်ခံထိတာ ငယ်ထိပ်ကိုဘုရောတဲ့”..
ဘာပဲဖြစ်ဖြစ်ပေါ့....လူသားချင်းစာနာစိတ်နဲ့ ပြည့်တန်ဆာအလုပ်က ရွံစရာ မသတီစရာ ဆိုရင် အဲ့ဒီအလုပ်လုပ်နေတဲ့သူတွေကို အားမပေးသင့်ပါဘူး။
ရောင်းသူနဲ့ ဝယ်သူ ကြားမှာ ၀ယ်သူမရှိခဲ့ရင် ရောင်းတဲ့သူဟာ အချိန်ကုန်ခံပြီး ကြာကြာမရောင်း ပါဘူး။ တခြားအလုပ်တွေ ပြောင်း လုပ်ကြမှာပါပဲ။

ထိုင်းအမျိုးသမီးတစ်ဦးရဲ့ ဖြစ်ရပ်မှန်ဇာတ်လမ်းလေး တစ်ပုဒ်ကို ပြောပြမယ်နော်။

ခန္ဓာကိုယ်နဲ့ ရင်းပြီး စီးပွါးရှာနေတဲ့ အမျိုးသမီးတစ်ယောက် တစ် နေ့ တော့မထင်မှတ်ပဲ အခန်းထဲမှာ မူးလဲတော့ ဆေးခန်းသွားပြတာ ကိုယ်ဝန်၇ှိနေပါတယ်။ သူမရဲ့ အလုပ်ရှင် က “နင် ဒီအလုပ်လုပ်နေပြီး ဒါလေးတောင် မကာကွယ်တတ်ဘူးလား.အခု နင့်ဗိုက်ထဲ က ကလေးကိုဘယ်သူတာဝန်ယူမလဲ ။ကလေးအဖေ ဘယ်သူလဲ လို့ မေးရင် နင်ဘယ်လိုဖြေမလဲ တော်တော်နမော်နမဲ့ နိုင်တဲ့ မိန်းမ
ဒီ ကိုယ်ဝန်ကို ဖျက်ချပစ်လိုက် ” လို့ ပြောတော့ သူမ ခါးခါးသီးသီး ပဲ ငြင်းလိုက်ပါတယ်။ သူမ၀မ်းနဲ့ လွယ်ထားရတဲ့ ရင်သွေး ကိုတော့
မဖျက်ချ နိုင်ဘူး။ ပြီးတော့ ဒီ မသတီစရာ အလုပ်ကို လည်း မလုပ်ချင်တော့ဘူး။ သူမ ရင်သွေး နဲ့ အတူ ကောင်းရောင်းကောင်းဝယ် အလုပ်လုပ်ပြီး ဘ၀ ကိုအသစ်က ပြန်စမယ် လို့ ဆုံးဖြတ်ပြီး အဲ့ဒီအလုပ်ကနေ ထွက်ပြီး ဈေးထဲမှာ မုန့် ချို လေးရောင်းပြီး ၀မ်းစာ ရှာပါတယ်။
ဒါပေမယ့် သူမရဲ့ အတိတ်က အရိပ်ဟာ သူမ လူကောင်းဖြစ်တဲ့အချိန်ထိ လူတွေရဲ့  အထင်မြင်သေးမှုတွေ၊ ရှောင်ဖယ်မှုတွေ ခံရတုန်းပါပဲ။စာနာတတ်တဲ့ သူတစ်ချို့ က သူမကိုသနားပြီး ၀ယ်ပေမယ့် တော်တော်များများက “မိန်းမပျက် ရောင်းတဲ့ မုန့် စားရမှာ မသတီဘူး” လို့ ပြောပြီး ရှောင်သွားကြပါတယ်။
ဒါပေမယ့် သူမတစ်ချက်လေးမှ စိတ်မဆိုးခဲ့ပါဘူး။သူမဘ၀ ကံအကျိုးပေးကမကောင်းခဲ့တာပဲ။ ပြီးတော့ ဒီလို သမာအာဇီဝ အလုပ်ကိုလည်း သူမနှစ်သက်တယ်။ပြီးတော့ သူမ ရဲ့ ရင်သွေးလေးအနာဂတ်အတွက်
ကောင်းမွန်တဲ့ ဘ၀နဲ့ ပဲ ရှင်သန်ချင်ပါတယ်။
ဒီလိုနဲ့ သူမ ပတ်ဝန်းကျင်ရဲ့ အထင်သေးတဲ့ မျက်ဝန်း ဒဏ်ကို အံတုရင်း ချစ်စရာ သမီးလေးတစ်ယောက်ကို မွေးခဲ့ပါတယ်။ သူမဘ၀အတွက် အရေးကြီးဆုံးနဲ့ တန်ဖိုးအထားဆုံးက သမီးလေးပါပဲ။ ပတ်ဝန်းကျင်အတွက် သူမဟာ တန်ဖိုးမဲ့ချင် မဲ့နေလိမ့်မယ်။ ဒါပေမယ့် သူမသမီးလေးအတွက်တော့
တာဝန်ကျေတဲ့ မိခင်ကောင်းတစ်ယောက် တန်ဖိုးရှိတဲ့ မိခင်တစ်ယောက် ဖြစ်အောင် သူမကြိုးစားခဲ့ပါတယ်။
ဒီလိုနဲ့ သူမ သမီးလေး ကျောင်းတက်ရမယ့် အရွယ်ရောက်လာခဲ့ပါတယ်။ သူမရဲ့ ရည်မှန်းချက် ကတော့ သမီးလေးကို စာပေဗဟုသုတ အတွေ့ အကြုံ နဲ့ ကိုယ့်ကိုယ် ကို ထိန်းကျောင်းနိုင်တဲ့ ဘွဲ့ ရပညာတတ်ကြီးတစ်ယောက် ဖြစ်ချေင်ပါတယ်။သူမလို စာမတတ်ပေမတတ်
အတွေ့ အကြုံနဲ့ ဗဟုသုတ မ၇ှိခဲ့လို့  ဘ၀ပျက်ခဲ့ရသလို သူမ သမီးလေး ဘ၀မပျက်စေရဘူး။ ပညာတတ်တစ်ယောက်ပဲဖြစ်စေရမယ်။
ညနေ ကျောင်းလွှတ်ချိန် သူမသမီးလေးပြန်လာတော့ သမီးလေးဆီက ပထမဦးဆုံးကျောင်းတက်ရတဲ့ နေ့ မို့ သူမသူငယ်ချင်းအကြောင်း၊သူမဆရာမအကြောင်းနဲ့ စာတွေသင်ရတဲ့ အကြောင်း ပြောပြလိမ့်မယ်လို့ ထင်ခဲ့ပေမယ့်
မထင်မှတ်တဲ့ စကားလေးတစ်ခွန်းကိုကြားလိုက်ရပါတယ်။

“မေမေ..သမီး ကို သူငယ်ချင်း ရဲ့ မေမေတွေက မိန်းမပျက်ရဲ့ သမီး နဲ့ မပေါင်း နဲ့ တဲ့ .သမီးနဲ့ လဲ ဘယ်သူမှ လာမထိုင်ဘူး.သမီးကိုပဲ လက်ညှိးထိုးပြီး အဖေမ၇ှိတဲ့သူတဲ့ မိန်းမပျက် ရဲ့ သမီးလို့  ပြောနေကြတယ်.မိန်းမပျက် ဆိုတာ ဘာကိုပြောတာလဲဟင်.” သမီးလေးရဲ့ စကားကြောင့် သူမ သမီးလေးကိုဖက်ပြီးဝမ်းနည်းစွာငိုကြွေးမိပါသည်။ လောက အကြောင်း ဘာမှမသိတဲ့ ကလေးငယ်ကို နားလည်အောင် သူမဘယ်လိုရှင်းပြရမှာလဲ။ နာကျည်းစရာ အတိတ် ဆိုးကို ဖျောက်ဖျက်ဖို့ သူမဘယ်လိုမှ မတတ်နိုင်ပါလား။
သမီးလေး ကျေနပ်အောင် တော့ သူမ ပြောနိုင်တာ တစ်ခွန်းပဲရှိပါတယ်။

“ငါ့သမီးလေး ငယ် သေးတယ် အခုလူတွေ ပြောနေတဲ့စကားကို သမီးခေါင်းထဲ့မထည့် နဲ့ နော် သမီးသိထားဖို့ က
သမီးမှာ ဖေဖေရှိပါတယ်။ဒါပေမယ့်သမီးဖေဖေဟာသေသွားပြီ သမီးအတွက်အဖေမရှိတော့ပေမယ့် လောကမှာ သမီးကို အချစ်ဆုံးလူဟာ မေမေလို့ ပဲမှတ်နော်။”

“ဟုတ်ကဲ့ မေမေ..မေမေ့ ကိုလဲ သမီးချစ်ပါတယ်”

သူမသက်ပြင်းမောကို ချရင်း သမီးလေး နဲ့ သူမရဲ့ ရှေ့ ရေးကို တွေးနေမိသည်။ အကယ်၍ သမီးလေး အ၇ွယ်ရောက်လာလို့  သူမဟာ မိန်းမပျက်ရဲ့ သမီး လို့ သိသွားရင် သူမ ကိုမုန်းနေမှာလား။ လောကမှာ သူမအကြောက်ဆုံးက သမီးလေးမုန်းသွားမှာကိုပါ။ ကံကောင်းခြင်းဆိုတာ မသေချာပေမယ့် ကံဆိုးခြင်းတွေက အဖော်နဲ့ ရောက်လာတတ်တယ်တဲ့။
ဒီလိုနဲ့ သမီးလေး ၉ တန်းတက်လို့  အပျို ပေါက်အရွယ် ရောက်လာပါတယ်။ တစ်နေ့ ထူးထူးခြားခြား သမီးလေးက ကျောင်း ဆက်မတက်ချင်တော့ဘူးလို့  ပြောလာပါတယ်။ ဘာဖြစ်လို့ လဲဆိုတော့ လူတွေရဲ့ အထင်သေးကဲ့ ရဲ့ တဲ့ မျက်ဝန်းဒဏ်နဲ့ ကဲ့ရဲ့ တဲ့စကား ကို ခံနိုင်ရည် မရှိတော့လို့ ပါတဲ့။ အရပ်ထဲက ကာလသားတစ်ချို့ ကလည်း သူမကို ရိသဲ့သဲ့  နဲ့ စလားနောက်လား ပြောနေကြပါတယ်တဲ့။ ပြီးတော့ သူမကိုလည်း နာကျည်းတဲ့ လေသံနဲ့ 

“အမေတစ်ချိန်တုန်းက ပြည့်တန်ဆာ မိန်းမပျက်တစ်ယောက်ဖြစ်ခဲ့တယ်ဆို ။ပြီးတော့ သမီးကို လင်ကောင်မဖော်ပဲမွေးခဲ့တာဆို။ အမေဘာလို့ အဲ့ဒီလိုအလုပ်တွေ လုပ်ခဲ့တာလဲဟင်။ လောကမှာ ထမင်းတစ်လုပ်အတွက် လုပ်စရာ ဒီလောက်တောင် ရှားလို့ လားအမေ။ငွေအရင်းအနှီးစိုက်ထုတ်စရာမလိုပဲ ခန္ဓာကိုယ်လေး ရင်းလိုက်ရုံနဲ့ ငွေရတယ်ဆိုတော့ သက်သာတယ်လို့ ထင်မှာပေါ့။ဒါပေမယ့်
အခုအမေ့ လုပ်ရပ်ကြောင့် သမီးလဲ လူတွေ ရဲ့ ကဲ့ရဲ့ အထင်သေးတဲ့ဒဏ်ကို တစ်သက်လုံးခံရပြီအမေ။ သမီးဘ၀ သမီးအနာဂတ် ကိုလူတွေက ဖျက်ဆီးပစ်လိုက်ကြပြီ.။သမီးဘာလုပ်လုပ် လူတွေက အကောင်းမထင်ကြတော့ဘူး။အမေနဲ့ နေသရွေ့ သမီး မိန်းမပျက်ရဲ့ သမီး လို့ လူတွေ ပြောမှာ မခံနိုင်တော့ဘူး သမီးကို ကိုယ်ဝန်ရှိကတည်းက ဘာလို့ 
အမေ မသတ်လိုက်တာလဲ ဟင် အခုလို မိန်းမပျက်ရဲ့ သမီးအဖြစ် အသက်ရှင်နေရတာထက် သေသွားတာက မှ ပိုကောင်းပါလိမ့်မယ် အမေရယ်” ၀မ်းနည်းကြီးစွာ ငိုနေတဲ့ သမီးကို ကြည့်ပြီး သူမရင်ကွဲမတတ် နာကျင်ခံစားရပါသည်။

“အမေ့ကို သမီးကြိုက်သလိုစွပ်စွဲနိုင်ပါတယ်။ဒါပေမယ့် မုန်းတယ်ဆိုတဲ့စကား စိတ်နာတယ် ဆိုတဲ့ စကားတော့ မပြောပါနဲ့ လားသမီးရယ်။ အမေ ပြည့်တန်ဆာ ဘ၀ရောက်ခဲ့တာဟာ ၀ါသနာပါလို့ ၊ ငွေအချောင်ရချင်လို့ မဟုတ်ပါဘူး။ အချစ်ကို ယုံပြီး ဘ၀ကို ပုံအပ်ခဲ့မိလို့ ဘ၀ပါ ပျက်ခဲ့ရတာပါ။ ဒီအကြောင်းကို သမီးလေးအရွယ် ရောက်လာရင် အမေပြောပြမယ်လို့ ဆုံးဖြတ်ပြီးသားပါ။ ကံဆိုးတဲ့ အမေ့ ကို နမူနာယူပြီး သမီးလေး ဘ၀အမှန်ကို ရွေးချယ်တတ်ဖို့ ပါပဲ။ တစ်ချိန်တုန်းက
အမေတို့ ရွာမှာ ဆိုရင် အမေက အလှဆုံးကွမ်းတောင်ကိုင်တစ်ယောက်ပေါ့။တစ်နေ့ တော့ မြို့ က လာတဲ့ ကိုလူချောတစ်ယောက်နဲ့ တွေ့ ပြီး မိန်းမတွေ ကျလောက်တဲ့ အပြောနဲ့ ရုပ်ရည်ကြောင့် အမေလေ သူ့ ကိုရူးရူးမူးမူးပဲ ချစ်သွားမိတယ်။
ချစ်ကြိုက်မိရာက မိဘတွေ တားနေတဲ့ကြားက မိဘစကားနားမထောင်ပဲ ချစ်သူနောက် ခိုးရာ လိုက်ခဲ့မိတယ်။
သူနေတဲ့ မြို့ ပေါ်ရောက်တော့ အခန်းကျဉ်းထဲမှာ အမေ့ ကိုထားပြီး သူက အပြင်မှာအလုပ်ထွက်လုပ်တယ်။ ဒါပေမယ့် သိပ်မကြာခင် သူ့ ဇာတိက ပေါ်လာပါတယ်။ အရက်တွေလဲသောက်တတ်လာတယ်။ လခ လဲမအပ်တဲ့အပြင် စားဖို့ မပြောနဲ့ အခန်းခတောင် မပေးနိုင်တဲ့ဘ၀ မို့ အမေလဲ ဈေးရောင်းပြီးအလုပ်လုပ် ဖို့ သူ့ ကိုတိုင်ပင်တော့ မင်းအခုအလုပ်လုပ်ဖို့ မလိုသေးဘူး။ အားမွေးလိုက်ဦးလို့ ပြောပြီး နောက်နေ့ မှာ လုံးဝ ပျောက်သွားခဲ့ပါတယ်။ အဲ့ဒီ ညမှာပဲ အခန်းပိုင်၇ှင် က အမေ့ကို နင့်ယောင်္ကျားက နင့်ကို ရောင်းလိုက်ပြီ။ နင်ဒီကနေသွားချင်ရင် အကြွေးတွေကျေအောင်ဆပ်အကြွေး ကြေမှ သွားခွင့်ပေးမယ်ဆိုပြီး အမေ့ ကို အခန်းပိုင်ရှင်က သူ့ ရဲ့  ပြည့်တန်ဆာ အလုပ်မှာ လုပ်ခိုင်းပါတယ်။ မလုပ်ရင် လူကိုရိုက်နှက်ပြီး ထွက်ပြေးရင် ရဲ နဲ့ ဖမ်းခိုင်းမယ်လို့ ခြိမ်းခြောက်ပြီး အတင်းလုပ်ခိုင်းလို့ သာ အမေ အဲ့ဒီအလုပ်ကို လုပ်ခဲ့ရတာပါ။လက်စသတ်တော့ အမေအထင်ကြီးတဲ့ ချစ်သူဟာ မအူမလည် အမျိုးသမီးတွေကို အပြောနဲ့ ရုပ်ကလေးဗန်းပြပြီး ရောင်းစားနေတဲ့ သူတစ်ယောက်ဖြစ်နေတာပါပဲ။
အမေ့မှာ မထင်မှတ်ပဲ သမီးကိုယ်ဝန်ရခဲ့ လို့ အရမ်းဝမ်းသာခဲ့တယ်.သမီးလေးဟာ အမေ့ ဘ၀ရဲ့ အလင်းေ၇ာင်ပါပဲ။ကိုယ်ဝန်ကို အကြောင်းပြပြီးအဲ့ဒီအလုပ်ကို စွန့် လွှတ်ခဲ့ပါတယ်။ သမီးလေး လူဖြစ်လာကတည်းကအမေ သန့် ရှင်းတဲ့ ငွေနဲ့ ပဲ သမီးလေးကို ပြုစုပျိုးထောင်ခဲ့ပါတယ်။ သမီးအတွက် လေးစားစရာ အထင်ကြီးစရာ ရာထူးတွေ ဘွဲ့ တွေ မ၇ှိတဲ့ အမေမဖြစ်ခဲ့ရင်တောင် တာဝန်ကျေတဲ့ အမေဖြစ်ချင်ခဲ့တယ်။အမေ ပညာမတတ်ခဲ့လို့  စာပေဗဟုသုတ နဲ့ အတွေးအခေါ်မ၇ှိခဲ့လို့  အယုံလွယ်ခဲ့လို့ ဘ၀ပျက်ခဲ့ရပေမယ့် သမီးကို တော့ တန်ဖိုးရှိတဲ့ သူတစ်ယောက် အတွေးအခေါ်ရှိတဲ့ ဘွဲ့ ရပညာတတ် တစ်ယောက်ဖြစ်စေချင်ခဲ့ပါတယ်။
အမေ့ လို ဘ၀မျိုး သမီးကိုဘယ်တော့မှ မဖြစ်စေရဘူး။ ကိုယ့်ကိုယ်ကိုယ် တန်ဖိုးထားတဲ့ သူတစ်ယောက် ဖြစ်စေချင်တယ်။ အမေ့ ရဲ့ အတိတ်က ဘ၀ဆိုးကို သမီးခွင့်လွှတ်နားလည်ပေးပါ။
လူတွေဟာ ကိုယ်လိုချင်တဲ့ ဘ၀ကို
ချမ်းသာတဲ့ဘ၀ ဆင်းရဲတဲ့ဘ၀ ဆရာဝန်ရဲ့ သမီး ပြည့်တန်ဆာရဲ့ သမီးလို့  ရွေးပြီး မွေးဖွားလာခွင့်မ၇ှိဘူးသမီးလေး။ ကိုယ့်ရဲ့ ကုသိုလ် အကုသိုလ် အလိုက် ကံစီမံရာ မွေးလာကြတာချည်းပဲ။ဒါပေမယ့် လူကောင်း လူဆိုးနဲ့ ကိုယ့်ဘ၀ အနာဂတ် ပန်းတိုင်ကိုတောာ့ ကိုယ့်ရဲ့ မှန်ကန်တဲ့ အတွေးအမြင်တွေ ခံယူချက်တွေ ကိုယ်ကျင့်တရားတွေနဲ့ ကိုယ်တိုင်ဖန်တီးရတယ်။ ကိုယ်တိုင်က အမျိုးမြတ်တဲ့ အရာရှိ မင်းစိုးရာဇာ ရဲ့ သမီးဖြစ်နေစေဦး စိတ်သဘောထားသေးသိမ်အောက်တန်းကျနေရင် တန်ဖိုးရှိတဲ့ သူတစ်ယောက် မဖြစ်လာနိုင်ပါဘူး။
လောကမှာလေ ငွေရှိ၊ဂုဏ်ရှိ ပေမယ့် ကိုယ်ကျင့်တရားနဲ့ လူလူချင်း ကိုယ်ချင်းစာစိတ်မရှိတဲ့ သူတွေ အများကြီးပဲ။
အခုအမေ့သမီးလေး က တစ်ချိန်တုန်းက မိန်းမပျက်ဖြစ်ခဲ့ဘူးတဲ့ မိန်းမရဲ့ သမီးဖြစ်လို့ လူတွေကဲ့ရဲ့ တာ ခံရပေမယ့် ကိုယ်တိုင်က တန်ဖိုးရှိတဲ့သူတစ်ယောက်ဖြစ်အောင်ကြိုးစားပါ။ ကိုယ့်လို ဆင်းရဲချို့ တဲ့သူတွေ ဘ၀ပျက်နေတဲ့ သူတွေ ကို လမ်းမှန်ရောက်အောင်ကူညီစောင့်ရှောက်ပါ။
ပညာမဲ့သူအယောက်တစ်ရာ ချီးမွန်းတာထက် ပညာရှိတစ်ယောက် မကဲ့ရဲ့ ဖို့ အရေးကြီးပါတယ်။ ပညာမဲ့တဲ့သူတွေဟာ လူတွေရဲ့ အပေါ်ယံ ရွှေ၊ငွေ၊ဂုဏ်ပကာသန တွေကို ကြည့်ပြီး ချီးမွန်းပြောဆိုကြပေမယ့် ။ပညာရှိ သူတော်ကောင်းတွေကတော့ လူတစ်ယောက်ရဲ့ 
အတွင်းစိတ် ဖြူစင်မြင့်မြတ်မှု ကိုကြည့်ပြီး ချီးမွန်းပြောဆိုကြပါတယ်။ သမီးလေး ကို ပညာရှိတွေ ချီးမွန်းတဲ့ သူတစ်ယောက်ဖြစ်စေချင်ပါတယ်။”
သူမစကားအဆုံးမှာတော့ သမီးလေး လေးဆီက ရှိုက်သံနဲ့ အတူ သူမကို လက်အုပ်မိုးပြီး ကန်တော့နေပါတယ်။

“သမီးကို ခွင့်လွှတ်ပါ မေမေ သမီး ပညာရှိတွေ ချီးမွန်းတဲ့ သူတစ်ယောက် ဖြစ်အောင် ကြိုးစားပါ့မယ်လို့ ကတိပေးပါတယ်။
မေမေ့ ကိုလည်း သမီးကြောင့် ဘယ်တော့မှ စိတ်မဆင်းရဲစေရဘူး.ပတ်ဝန်းကျင် ရဲ့  ကဲ့ ရဲ့ တဲ့ ဒဏ်ကို အံတုပြီး
ပညာတတ်ဖြစ်အောင် ကြိုးစားမယ် ။သမီးလို ဖခင်မဲ့ နေတဲ့ ကလေးတွေ၊ ဘ၀ပျက်နေတဲ့ သူတွေကို လမ်းမှန်ရောက်အောင်
ကူညီစောင့်ရှောင့် ပါ့မယ် လို့ ကတိပေးပါတယ်”
သမီးလေးရဲ့ စကားကိုကြား၇တာဟာ သူမဘ၀မှာ စိတ်အချမ်းသာဆုံးပါပဲ။
လောကကြီး ကိုအံတုပြီး သမီးလေးအတွက် သူမအသက်ဆက်ရှင်သန်ဖို့ ခွန်အားတွေ မွေးရဦးမှာပါပဲ။သူမအသက် ရှင်နေသရွေ့ ပေါ့။

။**************************************************************။
သူငယ်ချင်းတို့ ရဲ့ ပတ်ဝန်းကျင်မှာ .တစ်ကယ်လို့ အခုထိုင်းအမျိုးသမီးလို နောက်ထပ်မြန်မာအမျိုးသမီးတွေ တွေ့ ခဲ့ရင် ။တစ်ကယ်လို့ သူတို့ ကိုယ်တိုင်က ပြည့်တန်ဆာဆိုတဲ့ အလုပ်ကို စွန့် လွှတ်ပြီး ဘ၀ကို အသစ်က ပြန်စချင်တယ်ဆိုရင် ရဲရဲဝံ့ဝံ့နဲ့ ဖေးမကူညီ လက်တွဲဝံ့လားဟင်။ တစ်နေ့ မှာသူငယ်ချင်းတို့  ကိုယ်တိုင် မေမေ ဘ၀ရောက်ပြီဆိုပါတော့ သူငယ်ချင်းတို့ ရဲ့ သားသမီးတွေကို
ဆင်းရဲတဲ့သူနဲ့ မပေါင်းဖို့ ၊ပြည့်တန်ဆာမိန်းမပျက်ရဲ့ သမီး နဲ့ မပေါင်းဖို့ သင်ပေးမှာလား။အဲ့ဒီလိုသင်ပေးမယ်ဆိုရင်တော့ သေချာတယ်
သူငယ်ချင်းတို့ သားသမီးတွေရဲ့ နှလုံးသားမှာ ကိုယ်ချင်းစာတရား ခေါင်းပါးပြီး မာနတွေ ၊အတ္တတွေ နဲ့  ရှင်သန်ကြီးထွားနေလိမ့်မယ်။
ယဉ်ကျေးလိမ်မာပြီး ကိုယ်ချင်းစာတရား ရှိတဲ့ သူတစ်ပါးကိုကူညီတတ်တဲ့ သားသမီးအလိမ်မာတော့ ဖြစ်လာမှာမဟုတ်ဘူး။
ဘာဖြစ်လို့ လဲဆိုတော့ သူတို့ မိဘတွေကိုယ်တိုင်က ကိုယ်ချင်းစာတရားခေါင်းပါးပြီး မာနနဲ့ အတ္တကြီးခဲ့လို့ ပါပဲ။
တစ်ကယ်တော့ လူကောင်း၊လူဆိုးဆိုတာ သူလက်ရှိ ၇ှင်သန်နေရတဲ့ ဘ၀ အနိမ့်အမြင့် ကို မကြည့်သင့်ပါဘူး။သူ့ ရဲ့ စိတ်ဓါတ် နဲ့ ကိုယ်ကျင့်တရားကို ကြည့်ပြီးဆုံးဖြတ်ရပါတယ်။
မြတ်စွာဘုရားရှင်ဟာ လူ၊နတ်၊ဗြဟ္မာ သတ္တ၀ါ အားလုံးကို ရင်ဝယ်သားလို တစ်ပြေးထဲမေတ္တာထားပါတယ်။ လူမျိုး၊ဘာသာ၊မျိုးရိုးအဆင့်အတန်း
အနိမ့်အမြင့်မခွဲပဲ တစ်ပြေးထဲဆက်ဆံပါတယ်။ ချမ်းချမ်းတို့ ဗုဒ္ဓဘာသာမှာလည်း ဗြဟ္မစိုရ် တရားလေးပါးထဲက သုံးပါး ဖြစ်တဲ့
ကဗျာလေးနဲ့ တို့ ရဲ့ စိတ်ဓါတ်လေးတွေ ပြုပြင်ရအောင်လေ။

တန်းတူတွေ့ ရင် မေတ္တာဝင်
မ၀င်နိုင်က ပြိုင်တတ်တယ်
ပြိုင်မယ့်အစား မေတ္တာပွား
စိတ်ထားပြုပြင်ပြောင်းပါ့မယ်။

ကိုယ့်အောက်ငယ်ရင် ဂရုဏာဝင်
မ၀င်နိုင်က နိုင်တတ်တယ်
နိုင်မယ့်အစား ဂရုဏာပွား
စိတ်ထားပြုပြင်ပြောင်းပါ့မယ်။

ကိုယ့်ထက်သာလျှင် မုဒိတာဝင်
မ၀င်က္ကူဿ ယိုင်တတ်တယ်
ယိုင်မယ့်အစား မုဒိတာပွား
စိတ်ထားပြဲပြင်ပြောင်းပါ့မယ်။

တစ်ကယ်တော့ ချမ်းချမ်းတို့ အားလုံးဟာ သံသရာမှာ ဆွေမျိုး .ညီအစ်မ မိဘ မောင်နှမ မတော်စပ်ခဲ့ဖူးတာမရှိဘူးတဲ့။ ဘ၀တွေခြားနေလို့ သာ မမှတ်မိတာပါ။ဒါ့ကြောင့် ရခဲလှတဲ့ လူ့ ဘ၀ ခဏတာလေးမှာ ဒေါသ၊လောဘ၊မာန ၊တွေ ဖယ်ပြီး တစ်ဦးကိုတစ်ဦး ဖေးမကူညီစောင့်ရှောင့်ကြမယ်ဆိုရင်၊ မိန်းမချင်း ကိုယ်ချင်းစာပြီး စာနာနားလည်ပေးကြမယ်ဆိုရင် လောကကြီးက တော်တော်လေးကို သာယာလှပနေလိမ့်မယ်နော်။

အခုဆိုရင် ခိုကိုးရာမဲ့နေတဲ့ အရွယ်မရောက်သေးဘဲ လမ်းမှားရောက်နေတဲ့အမျိုးသမီးလေးတွေကို အမှတ်-၁၈၊ နတ်မောက်လမ်းသွယ်(၁)၊ ဗဟန်းမှာရှိတဲ့ လုမှု
ဝန်ထမ်းဦးစီးဌာနမှာ ပြုပြင်စောင့်ရှောက်ပေးထားတယ်တဲ့။ ဆွမ်းဒါနပြုမယ်ဆိုရင်လည်း တစ်နေ့တာလုံးမှ
လေးသောင်းပဲကျပါတယ်တဲ့။ ကိုယ်နိုင်ရာ အရုဏ်ပဲဖြစ်ဖြစ်၊ နေ့လယ်ဆွမ်းပဲဖြစ်ဖြစ် ခွဲကျွေးရင်လည်း
ရပါတယ်တဲ့။တစ်ကယ်လို့ စာဖတ်တဲ့ သူတွေထဲက လူမှုဝန်ထမ်းဦးစီးဌာနက ဖုန်းနံပါတ်လေးသိရင် ကွန်မန့် ထဲမှာ ကျေးဇူးပြုပြီး ရေးပေးပါ။ ချမ်းချမ်း သူတို့ လေးတွေကို စုထားတဲ့ မုန့် ဖိုးလေးထဲက နိုင်သလောက်လေး ဆက်သွယ်လှူဒါန်းချင်လို့ ပါ။

ဖတ်ရှုအားပေးကြတဲ့ သူငယ်ချင်းများအားလုံး ဘ၀ရဲ့ စစ်မှန်တဲ့ ငြိမ်းချမ်းပျော်ရွှင်မှုတွေ ရရှိနိုင်ပါစေလို့ ဆန္ဒပြုလျှက်

Written..By....ချမ်းချမ်း(ရွာသူလေး) .http://www.haymonchan.blogspot.com

7 comments:

မောင်(စွယ်စုံကျမ်း) said...

ဖတ်ရှုသွားပါတယ်ဒွေးလေးရေးးစိတ်ဓာတ်ကိုတော့လေးစားပါတယ်ဗျာ.....အဆင်ပြေပါစေလို့ 

ချယ်ရီမြေ said...

ချမ်းချမ်းရဲ့စိတ်ဓာတ်ကိုတော့ အရမ်းလေးစားသွားပါတယ်. လူလူချင်း အဲလိုစာနာ ငဲ့ညှာတတ်တဲ့စိတ်ရှိကြမယ်ဆိုရင် သိပ်ကေင်းမှာပါ... မြန်မာပြည်ပြန်ရောက်ရင်တော့ နတ်မောက်ရိပ်သာလမ်း ဂေဟာလေးကို သွားပါဦးမယ်....

ချမ်းမြေ့ပါစေ
ချယ်ရီမြေ

မဒမ်ကိုး said...

တချိူ့ကျတော့လဲ အခြေအနေအရဖြစ်ကြတယ်
တချိူ့ကျတော့လဲ ၀ါသနာအရဖြစ်ကြတယ်

ဒါပေမယ့်ပေါ့လေ..........

အရာအားလုံးဟာ ကံစီမံရာပါပဲ ညီမလေးရေ

ခင်တဲ့
မဒိုးကန်

စိမ့်စမ်းရေ said...

ရွာသူလေးရေ အလည်သွားကာ ဖတ်သွားပါတယ်နာ်

တို့လဲ ပညာသင်တုံးပါပဲ။

အသစ်ကလေးမို့ ပြန်ပြီး အားပေးစေချင်ပါတယ်ကွယ်။

www.saintsanyae.blogspot.com ပါ။

Anonymous said...

ဖတ်သွားပါတယ်...ရေးထားတာလေးကအရမ်းကောင်းပါတယ်...လူတိုင်းလည်းဖတ်သင့်တယ်လို့ ထင်ပါတယ်...ပြီးတော့ အမစိတ်ဓါတ်ကိုလည်းလေးစားပါတယ်...
ကျနော်လည်းမြန်မာပြည်ပြန်ရောက်တဲ့အခါကျရင်
နတ်မောက်ရိပ်သာလမ်းကဂေဟာလေးကိုသွားလိုက်ပါ့မယ်

Kyi Maung said...

ညီမငယ် ချမ်းချမ်း....
အခုမှ ညီမရဲ့ဝက်ဆိုဒ်ကို ဗုဒ္ဓကမ္ဘာကတဆင့်ရောက်လာ ရတာပါ။ လူငယ်ပေမယ့် အသိစိတ်ဓာတ်က အတုယူစရာတွေအများကြီးပါ။ လူလူချင်း စာနာထောက်ထားတတ်တဲ့ ညီမရဲ့စိတ်ဓာတ်ကိုတော့ အထူးလေးစားတယ်ကွာ။ အကိုလည်း နိုင်ငံခြားရောက် နေတာ ကြာပါပြီ။ အကိုတို့နိုင်ငံခြားရောက်စတုံးက ဒီလို ဒုက္ခရောက်ကြရတဲ့သတင်းတွေက သိပ်မရှိလှသေးဘူး။ အလုပ်အဆင်မပြေတာလောက်ပဲလေ။ ကိုယ်ရပ်ကိုယ့်ရွာမဟုတ်ရင်တောင် ဘ၀ကို သုံညကနေပြန်စရတော့ ဘယ်လွယ်ပါ့မလဲ။ နိုင်ငံခြားတိုင်းတပါးဆိုတော့ ပိုပြီးဆိုးတာပေါ့၊ အခက်အခဲဆိုတာတော့ အနည်းနဲ့အများရှိမှာပဲလေ။ အခုလို ခေတ်ပျက်ကြီးထဲမှာလူဖြစ်လာပြီး မိသားစုရပ်တည်မှု၊ ကိုယ့်ဘ၀တိုးတက်ရှင်သန်ဖို့ အတွက်ရည်ရွယ်ချက်တွေနဲ့ သူတပါးတိုင်းပြည်ထွက်လာရတဲ့ အထူးသဖြင့် မိန်းကလေးတွေကို အကိုအရမ်းသနားတယ်။ တိုင်းတပါးသားက အနိုင်ကျင့်စော်ကားတာက ဘာသာစကားကြွမ်းကျင်မှုမရှိလို့၊ ပတ်ဝန်းကျင်နဲ့ ထိတွေ့ဆက်ဆံမှုမကြွမ်းကျင်လို့ထားပါတော့။ ခုဟာက ကိုယ့်လူမျိုးအချင်းချင်း ကိုယ်ချင်းစာတရားခေါင်းပါးတဲ့ သူတွေက နှမသားချင်းမစာနာပဲ လိမ်လည်လှည်ဖျားပြီး အနိုင်ကျင့်စော်ကားတာတော့ အဆိုးဝါးဆုံးပဲ။ ကိုယ့်လူမျိုးအချင်းချင်းကူညီရိုင်းပင်းကူညီရမယ့်အစား သူတို့ကအနိုင်ကျင့်ပြီး သူတပါးလက်ထဲရောင်းစားတဲ့ အထိလုပ်တာတော့ အရမ်းကိုလူ့စိတ်ကင်းမဲ့လွန်းလှတယ်။ သူတို့ကိုမေးကြည့်ချင်ပါတယ်။ ခင်ဗျားတို့မှာ နှမတွေ အဒေါ်တွေမရှိဘူးလားလို့။ သူတို့ရဲ့ နှမတွေ အဒေါ်တွေကို တပါးသူက အခုလိုစော်ကားပြုမူရင် ဘယ်လိုခံစားရမလဲလို့။ နှမတို့ အဒေါ်တို့မရှိတောင် အမေတော့ရှိမှာ အသေအချာပါ။ သူတို့ရဲ့အမေကို အခုလိုတပါးသူကစော်ကားရင် ဘယ်လိုခံစားမလို့ မေးချင်ပါတယ်။ အဲဒီလိုအခါမျိုးကြရင်တော့ ဓားဆွဲ၊ တုတ်ဆွဲဖြစ်မှာသေချာတယ်။ သူများနှမသားချင်းသာစော်ကားချင်တာ၊ သူတို့ဘက် ထိရင်တော့ ခံနိုင်မှာမဟုတ်ဘူး။ လူတွေရဲ့ အတ္တတွေ ကြီးထွားတာလေ။ အဲဒီလိုလုပ်ရပ်တွေကြောင့် တိုင်းတပါးသားတွေက ကိုယ့်နိုင်ငံသားကို ပိုပြီးဖိနှိပ် အနိုင်ကျင့်တော့မှာပေါ့။ ကိုယ့်လူခံက မကောင်းတော့ သူတပါးစော်ကားတာခံရတော့မှာပေါ့။
အဲ... ဘာပဲဖြစ်ဖြစ် အခုလို အသိပေးစာလေးတွေရေးပြီး တင်ပြပေးတော့ စာဖတ်ရတဲ့သူရဲ့စိတ်သန္တာတွေမှာ ကိုယ်ချင်းစာနာစိတ်လေးတွေရလာမယ်ဆိုရင် အများကြီးအကျိုးများလှပါတယ်။ နောင်လည်း လူသားအားလုံးအကျိုးပြုစာပေများ ဆထက်တိုးရေးသားနိုင်ပါစေလို့ ဆန္ဒပြုလိုက်ပါတယ်။

hlwannyein said...

ချမ်းချမ်းလေးကို တကယ်လေးစားသွားတယ်
ချမ်းချမ်းက သီချင်းဆိုတာတင်တော်တာမဟုတ်ဘူး စာရေးလဲအကောင်းပဲ
ညီမလေး အားပေးနေတယ်နော် ဆက်လုပ်ရဲဘော်
အောင်မြင်ပါစေ